Tweet
doPoem(0)
لا توريني حبيبي وش بشـوف ؟
صم قلبي عنهـم وبالـي كفيـف
خلني في عالمك وحـدك اطـوف
خل حسادك على جـال الرصيـف
وان أبيـت الا نقلطهـم ضيـوف
يقدعون الغـل والنـار الرغيـف
لو طلع فعيونهـم نخـل الهفـوف
من رداة الحظ والفكـر السخيـف
يا حبيبي ماعلى المحبوب خـوف
ما يطولونـك وأثخنهـم نحيـف
انت في دمي ونبضي والحـروف
وين يا سقف السما كيد الضعيف ؟
انت كل العمر والباقـي ظـروف
حطها في الدرب تقديـر اللطيـف
كفتك ترجح ولـو صفـوا الـوف
ياربيع الحـب والباقـي خريـف
يارعى الله قلبك الغض العطـوف
يا لحى الله حاقد ٍ وجهـه كسيـف
في شموخك كسرة الريح العصوف
في شموسك صهرة الشمع الرهيف
.
.
لاتوريني وانا غيـرك مااشـوف
خلني في غمرة الشـوق العنيـف
.
منقول
الشاعره قهر يزيد
التعليق