alardha blog bannar

Collapse

إعلان

Collapse
لا يوجد إعلانات حتى الآن.

KJA_adsense_ad5

Collapse

انــا شـيـخ(ن) ولــد شـيـخ

Collapse
X
 
  • فرز
  • الوقت
  • عرض
Clear All
new posts

  • انــا شـيـخ(ن) ولــد شـيـخ

    هذي قصيده قريتها وعجبتني مررررررررررررررره
    اتمنى تعجبكم
    ............................................ .

    خسيـتـي لعنـبـو جــدك ؛ خسـيـتـي والـغـلـط يـنـعـاب
    خسيتي واقلبي وجهك ؛ ولا كلمه ؛ولاجابـه


    خسيـتـي والـزمــي حـــدك ؛ تـراهــا ضـاعــت الاداب
    انا لاطاشت جنوني ؛ يعرف الجاهـل ادابـه


    وش المـغـزا مــن الكلـمـه بــلا داعــي بــلا الاسـبـاب
    وهرج الكذب والتجريح ؛ قوليلي وش اسبابه


    انـا الشـرهـه عـلـي انــي فتـحـت لخافـقـي كــم بــاب
    ولكن مثل ماجيتي !!! ترا كبر الجمـل بابـه



    خـذي نفسـك مـعـك بــرا ؛ ثــم انقلـعـي بــدون إيــاب
    فمان الله ؛ والا اقول :: فمان ابليس واصحابه


    تحسبيـنـي عـلـى فـرقـاك ابـنــدم واغـــرق الاهـــداب
    انا مبسوط يوم اني ؛؛ طردت الشوم وغرابه


    انــا مــا اعـاشـر الخـايـن ولا اسـمـع هـرجـة الـكـذاب
    ومثلك قيمته عنـدي تحـت الزيـرو حسابـه


    هــذاك الـلـي تحبيـنـه ؛ حـقـيـر و خـكــري ولـعــاب
    عاجبك ان قذلته شقراء ويميّل بالشعـر كابـه


    صحـيـح انــه حقـيـر و زيــن وشكـلـه للنـسـاء جــذاب
    تشّبه بأخته فلانـه ؛؛ ومنهـا الـدم متشابـه


    وانـا مانيـب حــرف الـجـر ؛؛ تجريـنـه عـلـى الاعــراب
    انا حرف(ن) جزم نفسه ؛ ومثلي يصعب اعرابه


    تشـوم النفـس عــن زيـنـك عـقـب مـاطـاح فيـهـا ذبــاب
    وانا حر(ن) ولد حر ؛؛ تركت الزين وذبابـه


    انــا شـيـخ(ن) ولــد شـيـخ ؛ بـذكـره تنـعـم الانـســاب
    اليا قام العرب كلاً ؛؛ يراجع دفتـر انسابـه


    ولـد شيـخ(ن) وسـط ربـعـه لــه بـيـن الـرجـال حـسـاب
    اليا ضاقت به الارياء ؛ يهز الارض مشعابـه


    محنكـنـي عـلـى الطيـبـه مــن يـومـي صغـيـر وشــاب
    اجل وش رايك بطفل(ن) دلال القهوه العابـه


    تــرى بــدري عـلـى مثـلـك تعـيـب وساسـهـا مـعـيـاب
    ياليت اللي يعيبني ؛؛ يحـاول يستـر ثيابـه


    انــا لاجتـنـي الـزلـه ؛ مــن الجـاهـل وهـــو كـــذاب
    تركت القافله تمشي ؛؛ وراهـا تنبـح كلابـه


    وانــا ليـامـن كـشـف ان الـخـوي اصـبــح لـسـانه داب
    نزعت السم من عرقه وكسرت بمخلبي نابـه



    خــلاص الـيـوم يافـلانـه ؛ كرهـتـك والقـلـوب غـــراب
    وترى كل طير(ن) بكبد السماء يشبع مخلابـه



    خـسـاره مثـلـك بقـلـبـي تـضـمـه غـرفــة الاحـبــاب
    وخساره غلطة العاشق ؛ يحطك اول احبابـه



    بعـد هـذا تبيـن ارجــع لاجــل عيـنـك نصـيـر اصـحـاب
    خسيتي واقلبي وجهك ؛ ولا كلمه ؛ ولاجابـه

  • #2
    هــذاك الـلـي تحبيـنـه ؛ حـقـيـر و خـكــري ولـعــاب
    عاجبك ان قذلته شقراء ويميّل بالشعـر كابـه
    صحـيـح انــه حقـيـر و زيــن وشكـلـه للنـسـاء جــذاب
    تشّبه بأخته فلانـه ؛؛ ومنهـا الـدم متشابـه
    خـسـاره مثـلـك بقـلـبـي تـضـمـه غـرفــة الاحـبــاب
    وخساره غلطة العاشق ؛ يحطك اول احبابـه
    بعـد هـذا تبيـن ارجــع لاجــل عيـنـك نصـيـر اصـحـاب
    خسيتي واقلبي وجهك ؛ ولا كلمه ؛ ولاجابـه
    أصدق وأجمل وأبلغ ما كتب
    بنت الشيوخ

    التعليق


    • #3
      الف ونعم والله وصح لسان قايلها
      ولا يهون الي امتعنا فيها اخوي ابن الجبل
      مايجيب الغانمات الا الغانم
      ولو تقدر تجيب اسم الشاعر اكون ممنون
      مع خالص الود
      .
      .
      عابر سبيل
      ;) جاري التعديل على التوقيع ;)

      التعليق

      KJA_adsense_ad6

      Collapse
      جاري التنفيذ...
      X